កុំខឹងឆេវឆាវ - ស្មូតដោយ កញ្ញា ថាវ មេងលី

ខឹងខុសខូចខាត          មិនស្អាតចិត្ត   

 ឆេវឆាវឆួលចិត្ត          គិតឥស្សា

កំហុសលើសលួស       ទោះយ៉ាងណា

អាស្រ័យមេត្តា         ក្នុងចិត្តយើង

ឆេវឆាវឆាបឆួល      អួលដើមក

ខឹងខុសមិនល្អ         ចិត្តមិនថ្កើង

ខុសទាស់គួរទប់      ទាញចិត្តឡើង

កុំដូចចំបើង            ឆេះមួយឆាវ

ពេលខឹងកុំស្ដាប់      ពាក្យញុះញង់

នាំលិចជឿលង់       ខឹងមួយប្រាវ

ដុតចិត្តបែកបាក់      ដូចស៊ីត្រាវ

កុំខឹងឆេវឆាវ           មិនស្រួលឡើយ

អំបែងបាក់             ពិបាកត

កី្ដល្អចិត្តល្អ              បើបែកហើយ

មិនងាយដូចដើម     ទេអ្នកអើយ

ហេតុនេះត្រើនត្រើយ   គួរពិចារ

មែកឈើកាត់ផ្សាំ     ដាំឫសថ្មី

គង់មានសេរី           ស្រស់ថ្លៃថ្លា

សំខាន់ចេះកែ         ប្រែបញ្ហាដោះ

តាមសញ្ញា              សន្ដិភាព

ក្ដីល្អក្រណាស់         មិនងាយសាង

កុំពឹងសំណាង         អាងខ្ពស់ទាប

មនុស្សយើងមានក្រ     ទាល់ចង្អៀត

គួរជួយគ្នា               គ្រច្របល់

កុំជាន់ពន្លិច            ពេលគេដាក់

កុំលើកទំលាក់         ពេលគេដល់

កុំរាប់ស្រឡាញ់        សំលឹងផល

កុសលអកុសល       មានប្រាកដ

ហៃជនប្រុសស្រី      ផងទាំងឡាយ

គួរខំខ្វល់ខ្វាយ         គិតសង្កត់

ខឹងស្អប់យ៉ាងណា    គួរខំអត់

នៅទីបញ្ចាប់           បានសុខហោង.....។

ខ្ញុំសូមភ័យទោសពីសំណាស់ម្ចាស់សម្លេងផងដោយមិនសុំការអនុញ្ញា សូមម្ចាស់សម្លេងមេត្តាអធ្យាស្រ័យ បើមានចំណុចណាមិនសមរម្យសូមបញ្ចេញមតិនៅខាងក្រោម។ ស្មតបទ៖ កុំខឹងឆេវឆាវ និពន្ធដោយោះ ភិក្ខុ ឡាន់សុមនោ ស្មូតដោយ កញ្ញា #ថាវមេងលី និស្សិតនៃសកលវិទ្យាល័យភូមិន្ទវិចិត្រសិល្ប Edition Video By Ven Mol Sarun #MolSarunOfficial --------------------------------- My Blog // https://molsarunofficial.blogspot.com/ Follow my page on Facebook;https://www.facebook.com/Mol-Sarun-11... ------------------------------------- #សំវេជនីយគាថា -https://youtu.be/EwrRSIy28FE ------------មើលវីឌីអូច្រើនទៀត Watch more------------- ធម៌សូត្រចែកបុណ្យ - អនុមោទនារក្ខាយាចនគាថា - អាកាសដ្ឋាន ច ភុម្មដ្ឋា - Khmer chanting Video https://youtu.be/R0Q4WYWSr0M​​​​​ សំវេជនីយគាថា - យថា ទណ្ឌេន គោបាលោ - ធម៌សូធ្យបំសុកូល - ធម្មសង្វេគ - Khmer Dharma Chanting https://youtu.be/nCvBi_lJtxc​​​​​ ធម៌សូធ្យបង្សុកូល - សំវេជនីយគាថា - អចិរំ វត យំ កាយោ/ Khmer Dharma Chanting Video https://youtu.be/1HfsU9eYBDY​​​​​