ដើមកំណើតរស្មី6ពណ៌ - សូធ្យដោយឧបាសិកាសាន់ ស្រីពៅ San Sreypov

 

ដើមកំណើតរស្មី6ពណ៌ សូធ្យដោយឧបាសិកា សាន់ ស្រីពៅ San Srey Pov កាត់តវីឌីអូដោយ Edition Video by #MolSarunOfficial​​ ----------------Background Credit--------------- Pixabay.com ---------------------------------------

#ដើមកំណើតឆព្វណ្ណរង្សី​​​​//#ដើមកំណើតរស្មី​​​​ ៦ ពណ៌

១.ពណ៌ខៀវកាលឆ្កៀលព្រះនេត្រា ឱ្យឥន្ទព្រាហ្មណ៍ណា កាលជាក្សត្រនាមស្រីភិរាស្រ្ដ ចង់សម្រេចឱ្យបានសារពេជ្ញសាស្ដាចារ្យ ។ ២.ពណ៌លឿងកាលអារសាច់ធ្វើមាស បិទលន់អង្គព្រះពុទ្ធបដិមា ព្រះឥន្ទជាជាងច្នៃរចនា ស្រែកសាធុកាពេញផែនដី។ ៣.ក្រហមជាពណ៌ឈាមបេះដូង ឆ្កៀលពីដើមទ្រូងដោយឃ្មាតខ្មី បិទពិសពស់ខាំព្រះជននី គង់រស់ជីវីជាស្បើយទៅ ។ ៤.ពណ៌សឱ្យទានដំរីស មង្គលបរវមាសឆ្អិនឆ្អៅ ត្រូវរាស្រ្ដបណ្ដេញមិនឱ្យនៅ ឱ្យទាំងកូនចៅភរិយាណា ។ ៥.ហង្សបាទលោហិតសាច់មំសំ អារសាច់ខ្លួនតាំងប្ដូរមាតា កាលយក្សវាចាប់បរិភោគក្ដារ ជីវិតមាតារស់វ៉ឹងខ្មី។ ៦.ផ្លេកពណ្ណរាយកាលជាទន្សាយ ឱ្យទានពុំស្ដាយជីវិតអី លោតចូលភ្នក់ភ្លើងពុំថាអ្វី ឱ្យជាចំណីឥន្ទព្រាហ្មណ៍ណា។ ៧.កាលដែលបានត្រាស់ជាព្រះពុទ្ធ ជាមកុដត្រៃភពក្នុងលោកា ពណ៌ទាំង៦នោះសោតណា ក្លាយមកកើតជាឆព្វណ្ណរង្សី។ ៨.ឥឡូវក្នុងលោកគេសន្មត យកពណ៌នេះកត់ជាសេចក្ដី ហៅទង់សាសនាព្រះជិនស្រី ពាសពេញផែនដីផ្ទៃពសុធា។ ៩.យើងខ្ញុំរាល់គ្នាសូមគោរព វន្ទាចមភពទង់សាសនា សូមមានមង្គលឈ្នះមារា សត្រូវនានាក្នុងភពបី។ ១០.សូមឱ្យយើងខ្ញុំប្រញាប់ដល់ ដើរកាត់តាមថ្នល់ទៅបុរី ជាទីបរមសុខសួស្ដី ដោយព្រះបារមីនិព្វានហោង ។